ผู้เฒ่าแนมทาง - ดุ่ย เชียงรัมย์[MUSICVIDEO]

ความเป็นมาของเพลง "ผู้เฒ่าแนมทาง"
กว่าสิได้มาเป็นบทเพลงนี้ผมเสียน้ำตาไปบ่ฮู้จักเทือ นับตั้งแต่วันที่แต่งเพลงนี้ขึ้นมาครั้งแรกทุกๆคำที่เขียนออกไปล้วนแต่มีภาพปรากฏขึ้นมาในมโนความคิด ทุกๆภาพที่เกิดขึ้นล้วนแต่เป็นภาพที่เคยผ่านสายตาเคยสัมผัสและเป็นอยู่ในจุดนั้นจริงๆ ตลอดเวลาที่เขียนเหมือนกันการได้เอาความฮู้สึกภายในออกมาบอกเล่า พอแต่งไปถึงท่องพีคของเพลงน้ำตาก็ไหลมาแบบไม่รู้ตัว ขนลุกและใจสั่นจนต้องพักการเขียนเพลงนี้ไว้สักพัก สุดท้ายทุกคำทุกความฮู้สึกที่พรั่งพรูอยู่ในใจก็ได้นำมาร้อยเรียงเกินเป็นเพลง "ผู้เฒ่าแนมทาง"

ถึงวันทำดนตรี อาการนั้นก็ยังกลับมาอีกครั้ง ขนลุกไม่หยุดตั้งแต่เริ่มบันทึกโน๊ตตัวแรกจนถึงขั้นตอนการอัดเสียงร้อง เบิ่งแล้วอาจจะเว่อไปเพลงอีหยังสิมาเฮ็ดให้ได้ฮู้สึกได้ขนาดนี้ แต่อาการมันเก็บบ่ไหวกลั้นบ่อยู่ บ่เคยบันทึกเสียงร้องเพลงใด๋นานเท่านี้มาก่อน บ่แมนว่าร้องยากหรือย่างใด๋แต่เวลาที่เสียไปก็ย้อนว่าคาแต่ไห่ ไห่นำเพลงเจ้าของ คิดไปคิดมากะอยากหัว ฮึแม่นข่อยบ้าไปแล้วกะบ่จัก

เสร็จสมบูรณ์แล้วกับบทเพลงนี้ ปลายทางสิเป็นแนวใด๋กะซ่างแต่ความฮู้สึกตอนนี้โล่งใจขนาด ที่ได้ทำเพลงด้วยความฮู้สึกของเฮาที่แท้จริง
ฝากพี่น้องลองเข้าไปฟังเบิ่งแน่เด้อครับ ขั้นว่ามักกะค่อยจั่งแชร์ครับ
********************
"แฮงดึงดูดแห่งศิลปะ"
ด้วยกฏแรงดึงดูดของศิลปะได้นำพาให้ผมได้ฮู้จักพี่หิน ชนะชัย แก้วผาง พี่ชายผู้เพิ่นมีอุดมการณ์เดียวกัน เป็นผู้ที่นำเสนอเรื่องราวเกี่ยวกับคุณค่าของบ้านนอกคอกนาและเป็นโตแทนความฮู้สึกของผู้ที่ห่างบ้านไกลถิ่นให้ได้คิดฮอดบ้านเกิดเมืองนอน ผ่านทางเพจ "อีเกิ้ง" เพจที่นำเสนอเรื่องราวอันสุดแสนล้ำค่าทางจิตใจ
เพลง"ผู้เฒ่าแนมทาง" จากบทเพลงที่แสนธรรมดาของผมกลับกลายเป็นเพลงที่มีมูลค่าทางจิตใจหลายคักกว่าเก่า เนื่องจากได้รับการสนับสนุนจากพี่หิน เพจอีเกิ้ง ที่ได้ร่วมถ่ายทอดบรรยากาศ กลิ่นไอและความฮู้สึก ผ่านรูปแบบวีดีโอ ทำให้เพลงธรรมดาๆได้มีภาพที่ชัดเจนสื่อสารอารมณ์ได้ดีมากขึ้น

บ่ว่าปลายทางสิเป็นจั่งใด๋ ยอดวิวการเข้าชมสิน้อยหรือหลายกะบ่ใช่ปัญหาแล้ว เพราะวัตถุประสงค์ของเพลงนี้คือต้องการถ่ายทอดความฮู้สึกของคนที่คิดฮอดบ้าน ถ่ายทอดเรื่องราวบรรยากาศของวิถีอีสานบ้านเฮาออกมาอย่างชัดเจน แม้นมีคนฟังคนชมเพียงน้อย แต่ผู้ชมผู้ฟังนั้นได้สัมผัสฮับฮู้อารมณ์และบรรยากาศของบทเพลง เพลง "ผู้เฒ่าแนมทาง" ก็ถือว่าเป็นอันประสบความสำเร็จแล้ว

วันที่ ๙ มีนาคม พุทธศักราช ๒๕๖๖ เวลา ๑๕:๐๐ น.(บ่ายสามโมง)หากที่น้องท่านใด๋ประสงค์อยากสิรับชมรับฟังกะขอเรียนเชิญเข้ามาฟังพร้อมกันได้ทาง ช่องยูทูป "เชียงรัมย์สตูดิโอ" และติดตามเรื่องราวดีๆบรรยากาศอีสานบ้านเฮาได้ที่เพจ "อีเกิ้ง"ครับผม

ขอแสดงความนอบน้อม
ดุ่ย เชียงรัมย์
วันที่ ๖ มีนาคม พุทธศักราช ๒๕๖๖
**************************
เพลง : ผู้เฒ่าแนมทาง
คำร้อง/ทำนอง : ดุ่ย เชียงรัมย์
เรียบเรียง : ดุ่ย เชียงรัมย์
ภาพประกอบ : ชนะชัย แก้วผาง
เนื้อเพลง :
ปฏิทินข้างฝา คือจังสิบอกเตือน
มื่อสิกลับเมือเฮือน เทศกาลบ้านเฮา
ข่าวอยู่หน้าจอกะส่งต่อเรื่องราว
ผู้ที่กลับแนบเนาถิ่นฐานบ้านตน

ตกมาปีนี่งานการกะวุ่นวน
เฮ็ดให้เฮาสับสนจนลางเทือท้อใจ
เงินกะร่อยหรอบ่ฮู้สิเมือน้อแบบใด๋
แต่ส่วนลึกในใจ เห็นแต่ภาพบ้านเฮา

ลูกลังขี้ดินแดง ศาลาน้อยข้างทาง
อยู่เฮือนฮ้าง แต่ใจนี้ผลัดอบอุ่น

ฮอดมื่อสงกรานต์สิเมื่อบ้านเฮาบ่
เสียงคำเพิ่นถามส่อ อิพ่ออิแม่อยากฮู้ข่าว
ปีใหม่ฮั่นเด้สิได้เมือบ่บ้านเฮา
แม่ถ่าแต่งพาข้าว แนวเจ้ามักไว้ให้กิน

ใกล้ฮอดมื่อสงกรานต์อยากเมื่อบ้านเฮาแท้หนอ
ไปกอดอิแม่อิพ่อคิดฮอดหลายใจถวิล
ขอพรจากผู้เฒ่าแนวหมองเศร้ามลายสิ้น
สิกลับไปกราบตีนแนบขี้ดินบ้านเฮา
คึดฮอดผู้เฒ่าเพิ่นแนมทาง

ลูกลังขี้ดินแดง ศาลาน้อยข้างทาง
อยู่เฮือนฮ้าง แต่ใจนี้ผลัดอบอุ่น

ฮอดมื่อสงกรานต์สิเมื่อบ้านเฮาบ่
เสียงคำเพิ่นถามส่อ อิพ่ออิแม่อยากฮู้ข่าว
ปีใหม่ฮั่นเด้สิได้เมือบ่บ้านเฮา
แม่ถ่าแต่งพาข้าว แนวเจ้ามักไว้ให้กิน

ใกล้ฮอดมื่อสงกรานต์อยากเมื่อบ้านเฮาแท้หนอ
ไปกอดอิแม่อิพ่อคิดฮอดหลายใจถวิล
ขอพรจากผู้เฒ่าแนวหมองเศร้ามลายสิ้น
สิกลับไปกราบตีนแนบขี้ดินบ้านเฮา
คึดฮอดผู้เฒ่าเพิ่นแนมทาง

#ผู้เฒ่าแนมทาง #เชียงรัมย์สตูดิโอ #ดุ่ยเชียงรัมย์ #อีเกิ้ง
_____________________________
🎧 รับฟังได้แล้วทาง Music Streaming
https://mcn.solutiononeholding.com/OL...

📲 มีให้โหลดเป็นเสียงเรียกเข้า/เสียงรอสาย ผ่านการโทรทางไลน์แล้ว ในไลน์เมโลดี้
https://melody.line.me/melody/49834
_____________________________

ติดต่อ 0962309464 ดุ่ย เชียงรัมย์

ติดต่อลิขสิทธิ์ 0962309464 ดุ่ย เชียงรัมย์